GIB/HIESaren aurkako Borrokaren Nazioarteko Eguna

Donostiako Udalaren Musika eta Dantza Eskolak bat egingo du aurten ere GIBaren eta HIESaren aurkako Borrokaren Munduko Egunarekin. Azaroaren 30ean, igandean, 12:30ean, Tabakalerako hallean, artea eta kontzientziazio soziala uztartu nahi dituen dantza ekitaldi bat izango da.

Ekitaldia Donostiako Udaleko Giza Eskubideen Arloarekin lankidetzan antolatu da, eta GIBaren eta HIESaren aurkako borrokan funtsezkoak diren hainbat elkartek parte hartzen dute: Acasgi (Gipuzkoako Hiesaren Aurkako Herritarren Elkartea), Ehgam (Euskal Herriko Gay Askapen Mugimendua), Gehitu (Gipuzkoako LGTBI+ komunitatearen eta GIB/hiesdunen eskubideen aldeko elkartea) eta Harribeltza (Hiesaren aurkako elkartea). Haien esperientzien eta ikuspegien baturak aberastu egiten du jardunaldiaren mezua, eta helburua da eragindako pertsonei ahotsa eta ikusgarritasuna ematea, konpromiso soziala indartzea eta prebentzioa sustatzea.

BIDEOA